KONU : Tosya Yağcılar köyünde evleri yanan ahaliye yemeklik ve tohumluk temini için Ziraat Bankası’ndan kredi verilmesi.
METİN:
Meclis-i
Vükelâ Müzâkerâtına Mahsûs Zabt Varakasıdır.
Zabıtname Rakamı |
Hazır Bulunan Zevât-ı Fihâmın Esâmîsi |
Çelb Rakamı |
|||||
Tarih |
Meclisin Küşadı |
||||||
Arabi |
Rumi |
Dakika |
Saat |
||||
24
R 312 |
12
Teşrinievvel 310 |
|
|
||||
Müzâkere
olunan mevâdda müteallik varakanın neviyle hülasa-i meâli ve Bâb-ı Âlî Evrak
Odasınca olan numarası ve meclise havalesi tarihi ve melfûfâtı kaç kıta
olduğu |
|||||||
Nevi |
Aded
Melfûfâtı |
Evrak
Odası Numarası |
Tarih-i
Havalesi |
||||
|
|
|
Arabi Rumi |
||||
Hülâsa-i
Meâli Tosya kasabası civarında Yağcılar
karyesinde yirmi dört hanenin zahire ve eşyasıyla beraber muhterik olarak yüz
yetmiş bir nüfusun yedi bin sekiz yüz on sekiz şinik tohumluk ve yemeklik
zahireye ihtiyaçları olmasına mebni mezkuru’l-mikdar zahirenin mahalli emânet
a‘şâr malından i‘tâsı Kastamonu vilayetinden bildirildiğinden bahisle bazı
ifadeyi havi Dahiliye Nezaretinden meb‘ûs 24 R sene 312 (25 Ekim 1894)
tarihli tezkire okundu. |
|||||||
Kararı |
|||||||
İşbu tezkirede vilayet-i mezkûre
a‘şârının tazminat-ı harbiye karşılığı olmasından dolayı cihet-i ahara zahire
i‘tâsı caiz olamayacağı ve bu misilli musâbîn-i zurrâ‘a Ziraat Bankalarınca
akçe idânesiyle ihtiyaç ve zaruretlerinin tehvîni ve muamele-i ziraiyelerinin
temini lazımeden bulunduğu gösterilmiş ve bu suret münasip görünmüş
olduğundan nüfus-ı merkûme için iktiza eden muharreru’l-mikdar zahirenin
bedeli olmak üzere lazım gelen akçenin kaza-i mezkûr Ziraat Bankası
Şubesinden usul ve emsali veçhile ahali-i merkumeye serian ikrâz ettirilerek
def‘-i ihtiyaçlarına itina olunması zımnında telgrafla mahalline mezuniyet
i‘tâsının Ticaret ve Nafia Nezaretine havalesi ve Maliye Nezaretiyle canib-i
vilayete malumat i‘tâsı tezekkür kılındı. |
|||||||
KONU
: Tosya civarında vaki Yağcılar karyesinde evleri yanan köy halkı için Ziraat
Bankasından kredi verilmesi.
METİN
Nezaret-i
Umûr-ı Maliye
A‘şâr ve Rüsûmât
Aded
1043
Ma‘rûz-ı
çâker-i kemîneleridir ki;
Mâh-ı
sâbık-ı rûmînin beşinci günü Tosya’ya üç saat baîd mesafesi olan Yağcılar
karyesinde kazaen ateş zuhuruyla yirmi dört hanenin zahire ve eşyasıyla beraber
muhterik olduğundan ve bu sebeple yüz yetmiş bir nüfusun yemeklik ve tohumluk
olarak yedi bin sekiz yüz on sekiz şinik zahireye ihtiyaçları göründüğünden
bahisle mezkûr zahirenin gelecek sene mevsim-i hasatta aynen istifa edilmek
şartıyla ve teminat-ı kaviyyeye rabtıyla Kengırı merkez kazasının sene-i haliye
emanet aşar malından itası lüzumu Kastamonu vilayet-i aliyyesinin 17 Eylül sene
1310 tarihli telgrafnamesinde işar olunmuş ise de vilayet-i müşârun ileyha
aşarının tazminat-ı harbiye karşılığı olmasıyla ondan cihet ahara zahire sarf
ve itası caiz olamayacağına ve bu misillü musâbîne ziraat bankalarınca akçe
idânesiyle ihtiyaç ve zaruretlerinin tehvîn ve muamele-i ziraiyelerinin temini lazımeden
bulunduğuna mebni bu bâbda müteallik buyrulacak irâde-i aliyye-i cenâb-ı
sadâret-penâhîlerine Tevfik-i muamele olunmak üzere keyfiyetin huzûr-ı
fehâmet-nüşûr-ı hidîv-i efhamîlerinden lüzum-ı istîzânı meclis-i maliye
kararıyla Aşar ve Rüsûmat idâre-i umumiyesinden ifade kılınmağın ol bâbda emir
ve ferman hazret-i veliyyü’l-emrindir.
Maliye
Nazırı
Fi
24 Rebiu’l-ahir sene 1312 ve fi 11 Teşrin-i Evel sene 1310(25 Eylül 1894)
Bâb-ı Âlî
Meclis-i
Mahsus
24
Rebiu’l-ahir sene 312(25 Eylül 1894) tarihli zabıtnamenin suretidir.
Tosya
kasabası civarında Yağcılar karyesinde yirmi dört hanenin zahire ve eşyasıyla
beraber muhterik olarak yüz yetmiş bir nüfusun yedi bin sekiz yüz on sekiz on
şinik tohumluk ve yemeklik zahireye ihtiyaçları olmasına mebni mezkûru’l-mikdar
zahirenin mahalli emânet aşar malından itası Kastamonu vilayetinden
bildirildiğinden bahisle bazı ifadeyi havi Dâhiliye Nezaretinden meb‘ûs 24 R
sene 1212 tarihli tezkire okundu
İşbu
tezkirede vilayet-i mezkûre aşarının tazminat-ı harbiye karşılığı olmasından
dolayı cihet-i ahara zahire itası caiz olamayacağı ve bu misillü musâbîn-i
zürrâ‘a ziraat bankalarınca akçe idânesiyle ihtiyaç ve zaruretlerinin tehvîni
ve muamele-i ziraiyelerinin temini lazımeden bulunduğu gösterilmiş ve bu suret
münasip görünmüş olduğundan nüfus-ı merkûme için iktiza eden muharreru’l-mikdar
zahirenin bedeli olmak üzere lazım gelen akçenin kaza-i mezkûr Ziraat Bankası
şubesinden usul ve emsali veçhile ahali-i merkûmeye serian ikrâz ettirilerek
def‘-i ihtiyaçlarına itina olunması zımnında telgrafla mahalline mezuniyet
itasının Ticaret ve Nafia Nezaretine havalesi ve Maliye Nezaretiyle Cânib-i
vilayete malumat itası tezekkür kılındı.
İmzası
aslına mutabıktır.
Maliye
ve Ticaret ve Nafia Nezaret-i Celileleriyle Kastamonu vilayet-i behiyyesine
Tosya
Kasabası civarında vaki Yağcılar karyesinde yirmi dört hanenin zahire ve
eşyasıyla beraber muhterik olmasından naşi hâl-i ihtiyaçda kalan yüz yetmiş bir
nüfusun yedi bin yedi bin sekiz yüz şinik tohumluk ve yemeklik zahirenin
mahalli emanet aşarından i‘tâsı Kastamonu vilayetinden bildirildiğinden bahisle
bazı ifade ve istifsâr-ı muameleyi havi Ticaret ve Nafia’ya ve vilayete Maliye Nezaret-i
Celilesinden bi’l-vurûd Meclis-i Mahsûs-ı Vükelâda mütalaa edilen tezkirede ve
bin kırk üç numaralı tezkire-i devletlerinde gösterildiği veçhile Meclis-i
Vükelâda mütalaa edilen 24 Rebiu’l-ahir sene [1]312 tarih ve vilayet-i mezkûre
aşarının tazminat-ı harbiye karşılığı olmasından dolayı cihet-i ahara zahire
itası caiz olamayıp bu misillü musâbîn-i zürrâ‘a Ziraat Bankalarınca akçe
idânesiyle ihtiyaç ve zaruretlerinin tehvini ve muamele-i ziraiyelerinin temini
lazımeden bulunduğu cihetle nüfus-u merkûme için iktiza eden muharreru’l-miktar
zahirenin bedeli olmak üzere lazım gelen akçenin kaza-i mezkûr Ziraat Bankası
Şubesinden usul ve emsali veçhile ahali-i merkûmeye serian ifrâz ettirilerek def‘-i
ihtiyaçlarına itina olunması zımnında telgrafla mahalline mezuniyet itasının
savb-ı devletlerine havalesi ile nezaret-i müşârun ileyhaya (Ticaret ve Nafia
Nezaretine) ve canib-i vilayete malumat itası bi’t-tensib iktizası ifa edilmiş
olmağla nezaret-i celilerince ber mûceb-i karar serian icra-yı icabına himmet
buyrulmaları siyakında Ticaret ve Nafia Nezaretine havalesi vilayete ve savb-ı
devletleriyle canib-i vilayete malumat itası bi’t-tensib icabı ifa kılınmış
olmağla ona göre icra-yı muktezasınca Maliye Nezaretiyle savb-ı atufilerine
malumat itası bi’t-tensib icabı ifa kılınmış olmağla vilayet-i behiyyelerince
de ona göre icrayı muktezasına himmet olunması siyakında şukka-i muhlis terkim
19
Teşrin-i Evvel sene 1310 – 1 Cemaziye’l-evvel sene 1312 (31 Ekim 1894)