Tosya'da Meryem Ana Rum Kilisesi'nin genişletilmesi için ruhsat verilmesi.

 KONU : Tosya’da bulunan Meryem Ana Rum Kilisesinin genişletilmesi için ruhsat verilmesi hakkında irade-i seniyye (75 hanede 25 Rum nüfus)

 

BELGE METNİ:

Şûrâ-yı Devlet

Dahiliye Dairesi

Aded

1081

 

Tosya kasabasında kâin Meryem Ana nâm Rum Kilisesi’nin tevsi‘ine ruhsat i‘tâsı hakkında Rum Patrikliğinden vuku bulan istida ve ol bâbda sebk iden isti‘lâma cevaben Kastamonu Vilayeti Meclisi İdaresinden vârid olan mazbata üzerine istîzânı hâvî Adliye ve Mezâhib Nezaretinin 29 Zilhicce 308 (5 Ağustos 1891) tarihli tezkiresiyle melfûfu Dîvân-ı Hümâyûn Kaleminden tanzim kılınan müzekkere ile beraber Şûrâ-yı Devlete havale buyurulmakla Dâhiliye Dairesinde kıraat olundu.

Mazbata-i mezkûre meâline nazaran kasaba-i mezkûrede Rum Cemaati yetmiş hanede iki yüz elli nüfus olup eski kilisenin temelleri üzerine havlısında tûlüne on buçuk ve arzına dört buçuk zirâ‘-ı mi‘mârî mahalli ilavesiyle kârgîr olarak müceddeden inşa ve masârıf-ı inşâiyesi olan üç yüz lira-yı Osmaninin mezkûr kilisenin nukûd-ı mevkûfesinden tesviye ve îfâ olunacağı ve halen bir gûne mahzuru olmadığı anlaşılmağla Dîvân-ı Hümâyûn Kalemi müzekkeresinde gösterildiği üzere bi’l-istîzân makrûn-ı müsâade-i seniyye-i hazret-i pâdişâhî buyrulduğu halde inşâat-ı mezkûre içün ruhsatı hâvî iktizâ iden emr-i âlînin kuyûd-ı lâzime ve mu‘tâde derciyle tasdîri hususunun Dîvân-ı Hümâyûn Kalemine ve mahalline teblîğât icrasına Dâhiliye Nezaretine havalesiyle Adliye ve Mezâhib Nezaretine de malumat i‘tâsı tezekkür ve haritası leffen takdim kılındı. Ol bâbda emir ve ferman hazret-i men lehu’l-emrindir.

Fi 4 Safer sene 309 ve fi 27 Ağustos sene 307 (9 Eylül 1891)

 

Şura-yı Devlet Dahiliye Dairesi Reisi ve azalar

 

Bâbıâlî

Dâire-i Sadâret

Âmedî-i Dîvân-ı Hümâyûn

 

Devletlü efendim hazretleri;

Kastamonu vilayeti dâhilinde Tosya kasabasında kâin Meryem Ana nâm Rum Kilisesinin tevsi‘ine ruhsat i‘tâsı Rum Patrikliğinden istida olunmuş olduğu ve kasaba-i mezkurede Rum Cemaati iki yüz elli nüfusdan ibaret olup eski kilisenin temelleri üzerine havlısından tûlüne on buçuk arzına dört buçuk zirâ‘-ı mi‘mârî mahallin ilavesiyle kârgîr olarak müceddeden inşa ve masarıfı olan üç yüz liranın kilisenin nukûd-ı mevkûfesinden îfâ olunacağı ve inşasında mevkian bir gûne mahzur olmadığı mahallinden iş‘âr edildiği beyanıyla suret-i istida karîn-i müsaade-i seniyye-i hazret-i padişahi buyrulduğu Dîvân-ı Hümâyûn Kalemi müzekkeresinde gösterildiği üzere kuyûd-ı lâzime ve mu‘tâdenin derciyle inşaat-ı mebhûsa içün ruhsatı hâvî emr-i âlî tasdîri ve muâmelât-ı müteferriasının icrası tezekkür kılındığına dair Şûrâ-yı Devlet Dâhiliye Dairesinden tanzim olunan mazbata leffen arz ve takdim olunmuş olmağla ol bâbda her ne veçhile irâde-i seniyye-i cenâb-ı mülûkâne müteallik buyrulur ise mantûk-ı âlîsi infâz edileceği beyanıyla tezkire-i senâverî terkîm kılındı efendim.

Fi 8 Rebiulevvel sene 309 ve fi 30 Eylül sene 307 (12 Ekim 1891)

Sadrazam

Cevad

 

Ma‘rûz-ı çâker-i kemîneleridir ki;

Resîde-i dest-i ta‘zîm olup melfuflarıyla manzûr-ı âlî buyrulan işbu tezkire-i sâmiye-i sadâret-penâhîleri üzerine mûcebince irâde-i seniyye-i cenâb-ı pâdişâhî şeref-müteallik buyrulmuş olmağla ol bâbda emir ve ferman hazret-i veliyyi’l-emrindir.

Fi 9 Rebiulevvel sene 309 ve fi 1 Teşrin-i Evvel sene 307 (13 Ekim 1891)

Serkâtib-i Hazret-i Şehriyârî

Süreyya

 

Tosyalı Hasan Ağa'nın Şumnu Taburuna Binbaşı olarak tayini (Hatt-ı Hümayun)

 KONU : Şumnu Muhafızı Süleyman Paşa tarafından oluşturulan Şumnu’da bulunan Onuncu Alay Dördüncü Taburu’na Dersaadet Sağkol Ağası Tosyalı Hasan Ağa’nın binbaşı olarak tayinine dair Sultan II. Mahmut’un Hatt-ı Hümayunu.

 

BELGE METNİ :

Manzûrum olmuşdur

Serasker Paşa’nın işbu arzı mûcibince tabur-ı mezkûra mûmâ ileyh Hasan Ağa binbaşı nasb ve tayin ve iktizâ iden emri ısdâr olunmak üzere icrasına mübâderet oluna.

 

Serasker Paşa kullarının arzıdır.

İnhası veçhile mûma ileyh Hasan Ağa kullarının tabur-ı mezkûra binbaşı nasb ve tayini muvâfık-ı irâde-i seniyye-i şehriyârîleri buyrulur ise iktiza iden memuriyet emr-i şerîfi ısdâr olunacağı muhât-ı ilm-i âlem-i ârâ-yı şehinşâhîleri buyruldukda emir ve ferman hazret-i men lehu’l-emr efendimizindir.

 

Ma‘rûz-ı bendeleridir ki;

Şumnu Muhafızı atûfetlü Süleyman Paşa hazretleri marifetiyle tanzim olunup el-hâletü hâzihî Şumnu’da olan Onuncu Alay Dördündcü Tabur olarak idhal olunan tabura birinin Binbaşı nasb ve tayini lazım gelüp el-hâletü hâzihî Dersaadet’de olan Altıncı Alayın Birinci Taburunda Sağkol Ağası olan Tosyalı Hasan Ağa kulları talim ve taallüm ve idare-i umûr-ı askeriyeye isti‘dâd ve liyâkati olduğundan tabur-ı mezkûra binbaşı nasb ve tayini muvafık-ı irâde-i seniyyeleri buyrulur ise iktiza iden memuriyet emr-i şerifinin ısdârı bâbımda emir ve ferman hazret-i men lehu’l-emrindir.

29 Zilhicce 1243 (12 Temmuz 1828)

Bende

Mehmed Hüsrev

Serasker-i Asakir-i Mansure

 

Tosya'da Rum Kilisesi

 KONU : Tosya'daki Rum Kilisesi'ne kadınlar için ek bina yapılması.

Dahiliye ve Adliye ve Mezahib Nezaret-i Celilerine

Şura-yı Devlet Dahiliye Dairesinin sureti balada muharrer mazbatası mucebince[1] Adliye ve Mezahib Nezaret-i Celilesine malumat verilmiş olmağla Dahiliye Nezaret-i Celilesinden icra-yı icabına himmet buyrulmak.

Mezahibe

[1]İktizasının ifası Dahiliye Nezaret-i Celilesine işar kılınmış olmağla Adliye ve Mezahib Nezaret-i Celilesinden dahi icra-yı icabına himmet buyrulmak.

Tosya kazasında tecdiden inşa olunan Rum Kilisesine ilavesi lazım gelen mahal hakkında.

9 Muharrem 1311/11 Temmuz 1309/23 Temmuz 1893

Şura-yı Devlet

Dahiliye Dairesi

Aded

1003

Tosya kazasında tecdiden inşasına ba emr-i ali ruhsat verilmiş olan Rum Kilisesinin ön tarafına nisaya mahsus olmak üzere ilave edilen mahallin kilisenin hal-i sabıkında da mevcud olup olmadığına ve bu babdaki ferman-ı ali hükmünün haricine çıkılmadığına dair mahallince bir gûne tahkikat icra olunmamış olduğundan bu cihetlerle ilave-i mezkurenin hal-i hazırında ifasınca mahzur olup olmadığının işarına dair sebk eden tebliğe cevaben Kastamonu Vilayetinden varid olan tahrirat ve evrak-ı müteferriasının ve ol babda Adliye ve Mezahib Nezaretiyle cereyan eden muhabereyi şamil tezkirenin leffiyle icra-yı icabı istizanına dair Dahiliye Nezaretinden takdim kılınan tezkire Divan-ı Hümayun Kaleminin müzekkeresiyle beraber Şura-yı Devlete havale buyrulmakla Dahiliye Dairesinden kıraat olundu.

İşar-ı mahalliye nazaran mezkur kilisenin heyet-i atikasında bârândan muhafaza içün nisvana mahsus olarak tahtadan bir mahal mevcud ve şimdi inşa olunan mahal dahi ondan ibaret ise de eskisinden cesim idüğü ve bunun inşası tamam ve mahzurdan salim olmağla beraber eskisinden biraz büyük olması hedmini mucib olamayacağı anlaşılmış ve bu halde terviç-i işar-ı tabii bulunmuş olmağla ol veçhile ifa-yı muktezasının canib-i vilayete tebliği hususunun Dahiliye Nezaretine havalesi ve Adliye ve Mezahib Nezaretine de malumat itası tezekkür ve resmi leffen takdim kılındı ol babda emr ü ferman hazret-i men lehu’l-emrindir.

Fi 5 Muharrem 311 ve fi 6 Temmuz 309/23 Temmuz 1893

Dahiliye Dairesi Reisi ve azalarının mühürleri

Tosya’da yeniden inşa olunan Rum Kilisesi’nin haritasıdır.

Osmanlı Döneminde hartuçluk olarak Tosya Şalının kulanıldığını biliyor muydunuz?

 KONU: Bosna kalelerinde bulunan toplara hartuçluk olarak satın alınan Tosya Şalının bedelinin ödenmesi.

 

 

METİN :

Bosna kılâ‘ında mevcud toplara hartuçluk[1] içün mübayaa ve irsali ferman buyrulup suret verilmiş olan üç bin yüz altmış üç zira Tosya Şalı tıbk-ı memuriyetim üzere tamamen mübyaa ve Tophane-i Amire Ocağı çavuşlarından Ali Çavuş kullarına teslimen mahalline irsal olunmağla merkum Ali Çavuş’un merbûtan takdim olunan makbuz tahvili Başmuhasebe’de hıfz olunup Tophane-i Amire Rûznâmçesine ilmühaberi i‘tâ buyrulmak babında emir ve ferman devletlü saadetlü sultanım hazretlerinindir.

Tahvili Başmuhasebe’de hıfz olunup ilmühaber verile

4 Ca [12]27 (16 Mayıs 1812)

illmuhaber dâde

 

El-makbûz

An cânib-i Tophâne-i Âmire berâ-yı îsâl kerde be ma‘iyyet-i vezir-i mükerrem Hazret-i İbrahim Hilmi Paşa vali-i Bosna în kadar şâlî-i mezbûr be-ma‘rifet-i Hazret-i es-Seyyid Mehmed Vahid Efendi nâzır-ı Tophâne-i Âmire müceddeden mübâya‘a ve teslim şod bâ ferman-ı âlî

El-vâki‘ fi 23 R sene 1227 (6 Mayıs 1812)

Şâlî-i Tosya

Zirâ‘

3163

 

 

Vech-i meşrûh üzere hala Bosna Valisi Vezir-i Mükerrem saadetlü Hilmi İbrahim Paşa hazretleri maiyyetinde mevcûd olan toplara hartuçluk içün hala Tophane-i Amire Nazırı atûfetlü Seyyid Mehmed Vahid Efendi hazretleri marifetiyle müceddeden mübayaa ve irsali ferman buyrulan yalnız üç bin yüz altmış üç zirâ Tosya Şalısı îsâl ve maiyyet-i müşarun ileyhe teslim eylemek içün Ocak-ı Amireden mübaşir tayin olunduğum ecilden şâlî-i mezbûr tamamen makbuzum olduğunu müş‘ir ber mu‘tâd-ı sened olmak üzere işbu memhûr temessük verildi. Fi 24 R sene 1227 (7 Mayıs 1812)

Bende

Ali Çavuş

---

[1] Hartuç: Merminin arkasından namluya sürülen bezden veya kartondan barut kesesi.

Tosya İbn-i Selim Mahallesi Mekteb-i İbtidaisi

 KONU : Tosya İbn-i Selim Mahallesi Mekteb-i İbtidai İmtihan Cetveli

BELGE METNİ:

Kastamonu vilayet-i celilesine mülhak Tosya’nın İbn-i Selim Mahallesi mekteb-i ibtidai şakirdanının imtihan-ı umumilerini natık cetveldir.

Sınıf-ı Evvel		Dördüncü Sene
Sıra numarası	Esami	Kur’ân-ı Kerim maa Tecvit	Muhtasar Coğrafya			Muhtasar Tarih-i Osmani			Muhtasar Sarf-ı Osmani		Hesap			İlmihal			Hatt-ı Rika			Mecmû‘ Numarası	Melhûzât
1	Çubukçu-zade Mustafa Efendi	10	10			10			10		10			10			10			70	Aliyyü’l-a‘lâ
2	Yüzbaşı-zade Ali Efendi	10	10			10			10		10			10			10			70	Aliyyü’l-a‘lâ
3	Gürcü Keloğlu Ahmet Efendi	10	10			10			10		10			10			10			70	Aliyyü’l-a‘lâ
4	Çilingir-zade İsmail Efendi	10	10			10			10		10			10			10			70	Aliyyü’l-a‘lâ
5	Hacı Mahmut-zade Rasim Efendi	10	10			9			10		9			10			10			68	Aliyyü’l-a‘lâ
6	Kasap-zade İzzet Efendi	10	10			9			10		10			9			10			68	A‘lâ
7	Biraderi İsmail Efendi	10	9			10			10		9			10			10			68	A‘lâ
8	Odabaşı-zade Hayri Efendi	9	8			9			9		9			6			9			59	Evsat
9	Ateş Ağa-zade Hamdi Efendi	9	9			8			9		6			9			9			59	Ednâ
10	Diğer Çilingir-zade Hakkı Efendi	9	9			9			5		8			9			9			58	En ednâ
11	Hacı Halil Efendi-zade Ahmet	0	0			0			0		0			0			0			00	Esnâ-yı imtihanda bulunamadığından sınıfta ibkâ
12	Gürsel-zade İsmail Efendi	0	0			0			0		0			0			0			00	Esnâ-yı imtihanda bulunamadığından sınıfta ibkâ
13	Bursalı-zade İsmail EFendi	0	0			0			0		0			0			0			00	Esnâ-yı imtihanda bulunamadığından sınıfta ibkâ
Sınıf-ı Sani		Üçüncü Sene
Sıra Numarıs	Esâmî	Kur’ân-ı Kerim		Tecvit			Sarf-ı Osmani			İlmihal			Hesap			Hatt-ı Sülüs			Mecmu numaras		Melhûzât
14	İbrahim Yüzbaşı-zade Avni	10		10			10			10			10			10			60
15	Duhâncı-zade İsmail Efendi	10		10			10			10			10			10			60
16	Şebçi-zade Hasan Efendi	10		10			10			10			10			10			60
17	Hacı Vahab-zade Şevki Efendi	10		9			9			10			10			10			58
18	Ömer Çavuş-zade Ömer Efendi	10		10			9			10			9			10			58
19	Bekmezci-zade Ali Efendi	10		10			9			10			9			10			58
20	Niyazi-zade İsmail Efendi	10		10			9			10			9			10			58
21	Şerbetçi-zade Halil Efendi	10		9			8			9			7			10			53
22	Hacı Ali-zade Hüseyin Efendi	9		10			9			8			10			7			53
23	Hacı Abdullah-zade İzzet Efendi	10		9			8			7			9			10			53
24	Veli Ağa-zade Hüsnü Efendi	9		10			7			8			10			9			53
25	Çamaşırcı-zade İsmail Efendi	10		10			9			8			7			6			50
26	Ecir-zade Recep Efendi	10		9			10			8			7			6			50
27	Diğer İbrahim Yüzbaşı-zade Haşim	9		10			6			8			10			7			50
28	A‘yâr-zade İsmail Efendi	10		9			7			10			8			6			50
29	Osman Pehlivan-zade Ahmet Efendi	0		0			0			0			0			0			00		Esnâ-yı imtihanda bulunamadığından sınıfta ibkâ
30	Karakaş-zade Hüseyin Efendi	10		9			9			8			6			4			46
31	Biraderi Mustafa Efendi	9		8			10			9			4			6			46
32	Boynueğri-zade Ömer Efendi	9		10			6			8			9			4			46
33	Onbaşı-zade İzzet Efendi	8		9			7			6			5			5			40
34	Hacı Abdullah-zade İsmail Efendi	0		0			0			0			0			0			00		Esnâ-yı imtihanda bulunamadığından sınıfta ibkâ
35	Sâkî-zade Mahmut Efendi	6		9			8			5			7			5			40
36	Memi-zade Bekir Efendi	9		7			8			5			4			4			37
37	Esir-zade Osman Efendi	8		5			7			9			4			4			37
38	Hacı Osman-zade Hüseyin Efendi	9		4			8			7			5			4			37
39	Silah-zade Mehmet Efendi	8		9			7			4			5			4			37
40	Boynueğri-zade Ahmet Efendi	9		5			6			9			4			3			36
41	Biraderi Mustafa Efendi	9		6			5			4			9			3			36
42	Diğer Hacı Vahab-zade İsmail	0		0			0			0			0			0			00		Nâ-mizâç olup esnâ-yı imtihanda bulunamadığından sınıfta ibkâ
Sınıf-ı Sâlis		İkinci Sene
Sıra Numarası	Esâmî	Kur’ân-ı Kerim			İlmihal			İlk Kıraat				Takdim ve Terkim			Hatt-ı Sülüs			Numara Mecmuu			Melhûzât
43	Kekeç Ali-zade Hasan Efendi	10			10			10				10			10			50
44	Bardak-zade İsmail Efendi	10			10			10				10			10			50
45	Akman-zade Ali Efendi	9			10			9				10			10			48
46	Rukiye-zade Mustafa Efendi	10			10			10				9			9			48
47	Yumak-zade Abdullah Efendi	9			10			10				10			9			48
48	Arapoğlu Ahmet Efendi	10			9			9				9			9			46
49	Kürt Yusuf-zade Ömer Efendi	9			10			9				9			9			46
50	Sipahi-zade Osman Efendi	9			9			10				9			9			46
51	Diğer Arap-zade Hüseyin Efendi	9			9			9				10			9			46
52	Abacı-zade Ömer Efendi	9			10			9				9			9			46
53	Hacı Salih-zade Hasan Efendi	0			0			0				0			0			00			Esnâ-yı imtihanda bulunamadığından sınıfta ibkâ
54	Diğer Boynueğri-zade İbrahim	9			9			10				9			9			46
55	Deli Hoca oğlu Hüseyin Efendi	10			8			9				9			9			45
56	Emir Vâizoğlu Ahmet Efendi	0			0			0				0			0			00			Esnâ-yı imtihanda bulunamadığından sınıfta ibkâ
57	Peltek Ali-zade Ali Efendi	8			10			9				9			9			45
58	Köle-zade SalihEfendi	9			8			10				9			9			45
59	Ağacık-zade Mustafa Efendi	0			0			0				0			0			00			Esnâ-yı imtihanda bulunamadığından sınıfta ibkâ
60	Hacı Arslan-zade Ali Efendi	8			9			9				10			9			45
61	Biraderi Hasan Efendi	9			8			10				9			9			45
62	Hacı Mehmet Efendi-zade Mehmet Efendi	8			9			10				8			9			44
63	İbeç-zade Ali Efendi	9			8			8				10			9			44
64	Kayalı-zade Sadık Efendi	10			8			9				8			9			44
65	Çöplü-zade Ahmet Efendi	8			9			10				8			9			44
66	Biraderi Ali Efendi	8			9			10				8			9			44
67	Karaali-zade Mehmet Efendi	9			8			8				10			9			44
68	Vezir-zade Mustafa Efendi	9			8			8				10			9			44
69	Mülazim-zade Cemal Efendi	9			8			10				8			9			44
70	İmam Haseki-zade Mehmet	9			8			10				7			9			43
71	Sultan-zade Rıza Efendi	9			8			10				7			9			43
72	Hacı Yamak(yumak)-zade Haşim	10			9			8				7			9			43
73	Cezayirli-zade İbrahim Efendi	10			9			9				8			7			43
74	Hüselek-zade Abdulkadir	7			8			10				9			9			43
75	Külahlı-zade Ahmet Efendi	7			9			10				9			8			43
76	Diğer İbeç-zade Mustafa Efendi	7			6			10				9			9			41
77	Molla Osman-zade Mustafa	7			6			10				9			9			41
78	Halis-zade Mustafa Efendi	6			7			10				9			9			41
79	Hacı Kadı-zade Ali Efendi	9			10			9				7			6			41
80	Biraderi İzzet Efendi	10			9			7				9			6			41
81	Duhancı-zade Ahmet Efendi	7			10			9				6			9			41
82	Hâs-zade Ahmet Efendi	0			0			0				0			0			00			Esnâ-yı imtihanda bulunamadığından sınıfta ibkâ
83	Çadırcı-zade Mustafa Efendi	8			7			5				9			9			38
84	Nakîb-zade Haşim Efendi	7			8			9				5			9			38
85	Ahmet-zade İsmail Efendi	9			7			8				9			5			38
86	Diğer Ecir-zade İzzet Efendi	6			7			8				9			5			35
87	Hacı Mülazım-zade Ali Efendi	7			6			9				8			5			35
88	Kırtılcı-zade Mehmet Efendi	0			0			0				0			0			00			Esnâ-yı imtihanda bulunamadığından sınıfta ibkâ
89	Ekmekçi-zade Sadık Efendi	9			6			7				8			5			35
Sınıf-ı Râbi‘		İkinci Sene
Sıra Numarıs	Esâmî	Elfâz-ı Osmanî		Kur’ân-ı Kerim			İlmihal			İlk Kıraat			Hesâb-ı Zihnî			Hatt-ı Sülüs			Mecmû Numarası
90	Kolçak-zade İzzet Efendi	10		10			6			5			7			7			45
91	Eskici-zade Hüseyin Efendi	10		10			6			5			7			7			45
92	Gürcü Keloğlu Sadık	10		10			7			5			6			7			45
93	Cabbar-zade Halil Efendi	10		6			5			7			10			7			45
94	Hacı Osman-zade Ömer Efendi	10		5			7			6			7			10			45
95	Biraderi Osman EFendi	10		9			5			6			8			6			44
96	Zeybek-zade Ali Efendi	10		9			5			6			8			6			44
97	Gümüşçü-zade İsmail Efendi	9		10			6			5			6			8			44
98	Abacı-zade Halil Efendi	8		9			10			6			5			6			44
99	Ekmekçi-zade Nuri Efendi	10		8			9			5			6			6			44
100	Biraderi İsmail Efendi	6		10			5			6			9			8			44
101	Ağlamış-zade Raşit Efendi	6		10			5			6			9			8			44
102	Kutup-zade Tevfik Efendi	8		9			9			5			4			7			42
103	Ethem-zade İsmail Efendi	9		8			5			9			7			4			42
104	Çinçin-zade Mustafa Efendi	8		9			9			5			4			7			42
105	Hacı Şerif-zade Mehmet Efendi	9		5			4			9			7			8			42
106	Biraderi Hasan Efendi	7		9			8			5			4			9			42
107	Kamburoğlu Ahmet Efendi	9		8			8			5			6			5			41
108	Diğer Hacı Kadı-zade Ahmet Efendi	8		9			5			8			6			5			41
109	Biraderi Avni Efendi	5		8			9			8			6			5			41
110	Diğer Kolçak-zade Haşim	9		8			9			6			5			4			41
111	Halil Efendi-zade Abdullah	6		9			5			9			6			6			41
112	Diğer Hacı Mehmet Efendi-zade İsmail	8		9			7			5			6			4			39
113	Külahlı-zade Abdullah Efendi	9		8			5			7			4			6			39
114	Hacı Osman-zade Mehmet Efendi	7		5			8			9			6			4			39
115	Biraderi Mustafa Efendi	8		7			9			6			5			4			39
116	Deli Hoca oğlu Abdullah	9		8			7			5			4			6			39
117	Gökmen-zade Mustafa Efendi	6		4			5			8			9			7			39
118	Esir-zade Bekir Efendi	8		9			5			6			5			4			39
119	Diğer Abacı-zade Ahmet Efendi	7		8			6			5			4			8			38
120	Rumelili-zade Hüseyin Efendi	8		7			5			6			8			4			38
121	Hacı Ali-zade İzzet Efendi	6		5			7			8			8			4			38
122	Diğer Rumalili-zade Ahmet	5		6			8			7			8			4			38
123	Şekerimkoymaz(?)-zade Abdullah	0		0			0			0			0			0			00		Nâ-mizâç bulunduğundan sınıfta ibkâ
124	Münakkar-zade Mehmet Efendi	0		0			0			0			0			0			00		Nâ-mizâç bulunduğundan sınıfta ibkâ
125	Çerkes-zade Mustafa Efendi	9		7			6			5			4			6			37
126	Eskici-zade Mehmet Efendi	9		7			6			5			4			6			37
127	Veli Ağa-zade Abdulmuttalip	7		9			5			6			6			4			37
128	Kastamonulu-zade İsmail Efendi	7		9			6			5			6			4			37
129	A‘yâr-zade Hüseyin Efendi	7		9			6			5			6			4			37
130	Biraderi Abdullah Efendi	9		7			5			6			4			6			37
131	Abdullah Efendi-zade Hasan Efendi	8		7			6			5			4			6			37
132	Diğer Külahlı-zade Mehmet Efendi	7		8			5			6			6			4			36
133	Erzurumlu-zade Abdullah	7		8			5			6			6			7			36
134	Kayılı-zade Ömer Efendi	8		7			6			5			4			6			36
135	Sivaslı-zade Şaban	8		7			6			5			4			6			36
136	Diğer Çinçin-zade Mahmut	6		5			4			7			8			6			36
137	Helvacı-zade Haşim Efendi	5		6			7			4			6			8			36
138	Diğer Bekmezci-zade Hamdi	7		5			6			6			4			8			36
139	Biraderi Şakir Efendi	9		6			7			5			3			5			35
140	Memi-zade Mustafa Efendi	6		9			5			7			5			3			35
141	Diğer Hacı Abdullah-zade Abdullah	5		6			9			7			3			5			35
142	Kel Mahmut-zade Ahmet Efendi	5		6			9			7			3			5			35
143	Diğer Boynueğri-zade Hüseyin	9		6			5			3			5			7			35
144	Tarakçı-zade Hasan Efendi	6		9			3			5			7			5			35
145	Diğer Hacı Şerif-zade Ali	9		6			5			3			5			7			35
146	Çatıkoğlu Mustafa Efendi	6		5			9			5			3			7			35
147	Elmacı-zade Haşim Efendi	8		7			5			6			3			5			34
148	Diğer Çadırcı-zade Abdullah	6		5			7			8			5			3			34
149	Diğer Sâkî-zade Mustafa	5		6			7			8			5			3			34
150	Karaca-zade Halil Efendi	8		7			6			5			3			5			34
151	Biraderi Hasan Efendi	8		7			6			5			3			5			34
152	Bayram-zade Haşim Efendi	8		7			6			4			3			5			34
153	Sipahi-zade Ahmet Efendi	7		8			4			6			3			5			33
154	Diğer Odabaşı-zade Veysi	7		8			4			6			5			3			33
155	Diğer Sipahi-zade Bekir Efendi	8		7			6			4			3			5			33
156	Arık-zade Mahmut Efendi	0		0			0			0			0			0			00		Esnâ-yı imtihanda bulunamadığından sınıfta ibkâ
157	Diğer Niyazi-zade Mustafa	7		6			8			3			4			5			33
158	Diğer Kolçak-zade Ali Efendi	8		6			4			5			3			6			32
159	Diğer Silah-zade Hasan	8		4			6			3			5			6			32
160	Kabakçı-zade Veysi Efendi	6		8			4			5			3			6			32

 

BEYANI

 

Yekûn	Dördüncü Sınıf	Üçüncü Sınıf	İkinci Sınıf	Birinci Sınıf
160   10 150 000 150 000 150	13 10 03 00 03 00 03	29 00 29 00 29 00 29	47 00 47 00 47 00 47	71 00 71 00 71 00 71		Dâhil-i imtihanda olan Şehâdetname ahz eden   Tard olan   Terk Eden Mevcut bulunan
			Ed-dâî Muallim-i Evvel-i Mekteb-i İbtidâî-i Mahalle-i İbn-i Selim Kaza-i Tosya		Ed-dâî Muallim-i Sânî

 

İşbu cetvelde muharrer yüz elli adet şakirdanın imtihanları usulüne tatbikan meclis-i acizanemizde bi’l-icra bidaa-i mektep ve derece-i liyakatleri cetvelin mündericatı veçhile bulunduğu ma‘rûzdur.

Temmuz 311 (Temmuz 1895)

(Kaza Müftüsü Başkanlığında İmtihan Komisyonu)

 

 

İşbu cetvel mündericatı muvafık ve mekârin-i sıhhat olduğu mümeyyiz efendilerin tasdikinden anlaşılmakla ol veçhile tasdik kılındı.

Fi 24 Temmuz sene 311 (5 Ağustos 1895)